Լրահոս

Տեղեկութիւններ 21 Դեկտեմբերի մասին

12.11.2018

Յարգելի ծնողներ, 

Արդէն իսկ մեր դպրոցէն ներս տօնական մթնոլորտ կը տիրէ եւ շուտով մենք եւ մեր աշակերտները կը մեկնինք կաղանդի արձակուրդի։ Յառաջիկայ շաբաթ կաղանդի տարբեր ձեռնարկներ ծրագրուած են, ինչպէս՝ Ս. Հաղորդութիւն, երգահանդէս եւ զանազան աշակերտական ներկայացումներ։

Յաւելեալ տեղեկութեան համար, ստուգեցէք մեր ամսուան օրացոյցը։ Նախակրթարանի աշակերտները կրնան դպրոց գալ «pyjama»-ով իսկ երկրորդականի աշակերտները ազատ են առանց համազգեստի դպրոց ներկայանալու: 

Կ՚ուզենք նաեւ ձեզի տեղեկացնել թէ 21 դեկտեմբերին մեր դպրոցը պիտի փակուի կէսօրէ ետք ժամը 2:30-ին, հետեւաբար աշակերկները կանուխ պիտի արձակուին։ Այն ծնողները որոնք չեն կրնար իրենց զաւակները 4-էն առաջ ստանձնել կրնան դիմել մեզի (serviceparascolaire@ecolesourphagop.com) որպէսզի օգտուին արտադպրոցական սպասարկութենէն։ Առ ի տեղեկութիւն, այդ օրը փոխադրակառքերն ալ կը մեկնին ժամը 2:40-ին։

Շնորհաւոր Նոր Տարի եւ Սուրբ Ծնունդ։

Լորի Ապրաքեան
Տնօրէնուհի
Սուրբ Յակոբ Ազգային Վարժարան